ისპანახის კრემ-სუპი

საჭირო მასალა: 200 გ ისპანახი, 350 გ კარტოფილი, 200 გ ხახვი, 0.7 ლ წყალი, 1 ლ რძე, 2 ს.კ. ზეთი, 200 გ ჭვავის პური, მარილი, წიწაკა გემოვნებით.

მომზადება: ხახვი წვრილად დავჭრათ, კარტოფილი დავჭრათ პატარა კუბებად. სქელძირიან ქვაბში ჩავასხათ ზეთი და მოვშუშოთ ხახვი. დავასხათ წყალი და როცა ადუღდება, დავუმატოთ დაჭრილი კარტოფილი. 15 წუთის შემდეგ დავამატოთ დაჭრილი ისპანახი და ვადუღოთ კიდევ 10 წუთი. მოვაყაროთ მარილი, წიწაკა და ბლენდერში გავთქვიფოთ. ცალკე ჭურჭელში ავადუღოთ რძე, დავუმატოთ ბოსტნეულის პიურეს, კარგად მოვურიოთ და მივიყვანოთ ადუღებამდე. ცალკე მოვამზადოთ ორცხობილები – ქერქი მოვაცალოთ პურს, დავჭრათ კუბებად და 200 გრადუსზე გაცხელებულ ღუმელში გამოვაშროთ. სუფრასთან მიტანის წინ  წვნიანის თეფშს ზემოდან ორცხობილები მოვაყაროთ.

© ღვინის კლუბი/Weekend