გოგრის ნიოკი

საჭირო მასალა: 600 გ კარტოფილი, 250 გ. გოგრის რბილობი, 2 კვერცხის გული, 230 გ ფქვილი, 3 ს.კ. ყველი პეკორინო, მწიკვი დაფქული მუსკატის კაკალი. სოუსი – 12 ცალი თავშავას ფოთოლი, 4 ს.კ. კარაქი

მომზადება: კუბებად დაჭრილი გოგრა და კარტოფილი მოვხარშოთ მარილიან წყალში და ჩავზილოთ პიურე. ყველი ავურიოთ კვერცხის გულებთან, მარილთან, მუსკატის კაკალთან და შევურიოთ ბოსტნეულის პიურეს. დავამატოთ ფქვილი და მოვზილოთ ცომი. ცომისაგან მოვამზადოთ თითის სისქის ზოლები, დავჭრათ 1 სმ სიგრძის ნაჭრებად და მოვხარშოთ მარილწყალში. როცა ნიოკები წყლის ზედაპირზე ამოტივტივდება, ამოვიღოთ ქაფქირით. ტაფაზე გავადნოთ კარაქი, შიგ 3 წუთის განმავლობაში ვშუშოთ დაჭრილი თავაშავას ფოთლები და მოვასხათ ნიოკის ულუფებს.

© ღვინის კლუბი/Weekend