ეს ბაზარი ალბათ ერთ-ერთი ყველაზე რთულია ქართული ღვინისთვის. მიუხედავად იმისა, რომ 2009 წლიდან მოყოლებული მუდმივად იზრდება გაყიდვების რაოდენობაც და ღვინის ფასიც, მნიშვნელოვანი წინსვლისთვის, როგორც ჩანს, გაცილებით მეტია საჭირო. 2009 წელს 20,918 ბოთლი ღვინო გავიდა გაერთიანებულ სამეფოში, 2019-ში კი 168 307. ათი წლის წინ 67,260 $ იყო შემოსავალი, შარშან კი - 464,915 $. კლება შეინიშნებოდა 2011-2012, 2014-2015 და 2017 წლებში. ამ ეტაპზე გაყიდვები აღმავლობის გზაზეა დიდ ბრიტანებში, თუმცა ტენდენციის შესანარჩუნებლად და გასაზრდელად მეტი მუშაობაა საჭირო.
ერთი ბოთლი ქართული ღვინის საშუალო ფასი აქ 4,3 აშშ $-ია.
უმთავრეს თემად კვლავაც რჩება ცნობადობის ამაღლება და „ღვინის ეროვნული სააგენტოს“ სამოქმედო გეგმაში პირველ ადგილს სწორედ ეს თემები იკავებენ. ქართული ღვინო რეგულარულად იღებს მონაწილეობას საერთაშორისო გამოფენა London Wine Fair-ზე. ფუნქციონირებს ქართული ღვინის ოფიციალური ვებ-გვერდი, georgianwine.uk, სოციალურ მედიაში - facebook.com/GeorgianWineUK. ტარდება ქართული ღვინის მასტერკლასები სომელიეებისა და HoReCa-ს წარმომადგენლებისთვის. დაგეგმილია ქართული ღვინის ფესტივალები დიდი ბრიტანეთის სხვადასხვა ქალაქში (არანაკლებ 6), ასევე შეხვედრები ღვინის სადისტრიბუციო კომპანიების წარმომადგენლებთან. მნიშვნელოვანია ღვინის საქართველოში ღვინის ტურების მოწყობა იმპორტიორებისთვის.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი