ბოსტნეულის წვნიანი პასტა ნიოკით

საჭირო მასალა: წვნიანისთვის – 80 გ ხახვი, 2 კბილი ნიორი, 150 გ სტაფილო, 150 გ ნიახურის ძირი, 150 გ მიწავაშლა, 1 ჩ.კ. ხმელი ბეგქონდარა, 4 ს.კ. ზეითუნის ზეთი, 1 ს.კ. ტომატპასტა, 0,5 ლ ბოსტნეულის ბულიონი, 2 ს.კ. თეთრი ღვინის ძმარი, 100 გ პასტა ნიოკი, 150 გ პრასი, მწიკვი შაქარი, მარილი, პილპილი – გემოვნებით. ვინეგრეტისთვის – 80 გ ქამა სოკო, 60 გ ხახვი, 1 პატარა კონა მწვანე ხახვი, 8 ს.კ. ზეითუნის ზეთი, 3 ს.კ. თეთრი ღვინის ძმარი, მარილი, პილპილი, შაქარი – გემოვნებით.

მომზადება: ხახვი და ნიორი წვრილად დავკეპოთ, სტაფილო, მიწავაშლა და ნიახური 1 სმ ზომის ნაჭრებად დავჭრათ. ტაფაზე გავაცხელოთ ზეთი, დავუმატოთ ხახვი, ნიორი და საშუალო ტემპერატურაზე 2-3 წუთი ვშუშოთ. დავუმატოთ მომზადებული ბოსტნეული და კიდევ 5 წუთი ვშუშოთ. მოვაყაროთ მარილი, პილპილი და შაქარი. შევურიოთ ტომატპასტა, დავასხათ ბულიონი, ძმარი, მოვაყაროთ ბეგქონდარა და თავდახურული 15 წუთის განმავლობაში ვხარშოთ დაბალ ტემპერატურაზე. დავუმატოთ პასტა და კიდევ 15 წუთის განმავლობაში ვხარშოთ. ამასობაში ვინეგრეტი მოვამზადოთ: წვრილად დავჭრათ სოკო, ხახვი, მწვანე ხახვი და დავასხათ წყლის, ზეთის, ძმრის, მარილის, პილპილისა და შაქრის ნარევი. მომზადებამდე 2-3 წუთით ადრე წვნიანში მოვათავსოთ დაჭრილი პრასი და კიდევ 1-2 წუთი ვადუღოთ. სუფრაზე გატანის წინ წვნიანს შევურიოთ  სოკოს ვინეგრეტი.

© ღვინის კლუბი/Weekend