Home
ქართული | English
ნოემბერი 2019
ორშსამოთხხუთპარშაბკვი
28293031123
45678910
11121314151617
18192021222324
2526272829301

მულტიმედია

კომენტარები

ბოსტნეული და ღვინო

ამერიკული ჟურნალი 2012 წლის გაზაფხულის დასაწყისიდან სიახლეს სთავაზობს მკითხველს. ჟურნალი პროპაგანდას უწევს ბოსტნეულის მოხმარებას და სწორედ ამიტომ ახლა უკვე ყველა ნომერში გადის ნატალი მაკლინის სასარგებლო რჩევების რუბრიკა. ნატალი მაკლინი ცნობილი სომელიე და ამერიკული ყოველკვირეული კულინარიული ჟურნალის რედაქტორია. მაკლინი აცხადებს, რომ ბოსტნეულს უკეთ ეხამება თეთრი ღვინოები, რადგან ისინი თითქმის არ შეიცავს ტანინებს. არცთუ ცუდი არჩევანია შეხამებისთვის მსუბუქი წითელი ღვინოები, როგორებიცაა, მაგალითად, პინო ნუარი და გამე. ისინი ცოტა რაოდენობით შეიცავენ ტანინებს და კენკროვანი ხილის არომატით ხასიათდებიან. ისეთი წითელი ღვინოები კი, როგორებიცაა შირაზი და კაბერნე სოვინიონი, ბოსტნეულს არ ეხამება. მათში შემავალი ტანინები თრგუნავს ბოსტნეულის მსუბუქ გემოსა და დელიკატურ სტრუქტურას. მაკლინის თქმით, მთავარია, ჰარმონიაში მოდიოდეს გემო, არომატი, ტექსტურა და ღვინისა და კერძის მასის შეფარდება. “მწვანე ფერის საკვები შესანიშნავად ეხამება მწვანე ღვინოებს, მაგალითად, ახალზელანდიურ სოვინიონებს” - აცხადებს სომელიე. რაც შეეხება ტექსტურას, ცოცხალი, ენერგიული რისლინგი შესანიშნავ წყვილს ქმნის მსუბუქ კერძებთან, მაგალითად, ორთქლზე მომზადებულ ბოსტნეულთან, ნაღების სურნელებიანი შარდონე კი კარგად ეხამება ცხიმიან ყველებს.

© ღვინის კლუბი/Weekend

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.