ჭარხლის წვნიანი ზამთრისთვის

საჭირო მასალა: 600 გ ჭარხალი, 200 გ სტაფილო, 200 გ კარტოფილი, 1 თავი ხახვი, 50 გ კარაქი ან მარგარინი, 200 მლ თეთრი მშრალი ღვინო, 800 მლ ბოსტნეულის ბულიონი, 100 მლ მსუბუქი ნაღები, 1-2 ს.კ. პირშუშხა, მარილი, პილპილი – გემოვნებით.

მომზადება: სტაფილო, კარტოფილი და ჭარხალი გავფცქვნათ და საშუალო ზომის ნაჭრებად დავჭრათ. ხახვი წვრილად დავკეპოთ. ტაფაზე გავაცხელოთ ცხიმი და დაჭრილი ბოსტნეული 3 წუთის განმავლობაში ვშუშოთ. დავასხათ ღვინო და 3 წუთი ვადუღოთ. დავუმატოთ პირშუშხა, ბულიონი და 30 წუთით თავდახურული ვხარშოთ. წვნიანი ბლენდერით ავთქვიფოთ, მოვაყაროთ მარილი, პილპილი და სუფრაზე გატანის წინ თითოეულ ულუფაში ნაღები ჩავასხათ.

© ღვინის კლუბი /Weekend