თევზის გრატენი ისპანახით

საჭირო მასალა: 1 კგ ახალი ისპანახი, 1 თავი ხახვი, 1 კბილი ნიორი, 1 ს.კ. ზეთი, 150 მლ რძე, 3 ცალი კვერცხი, 650 გ თევზის ფილე, 1 ს.კ. ლიმონის წვენი, 50 გ გახეხილი ყველი გაუდა, მარილი, წიწაკა, ჯავზი – გემოვნებით.

მომზადება: ისპანახი გავარჩიოთ, გავრეცხოთ და დავდოთ საწურზე, რომ დაიწრიტოს. ხახვი და ნიორი წვრილად დავჭრათ. ტაფაზე გავაცხელოთ ზეთი, დავუმატოთ ხახვი, ნიორი და მოვშუშოთ. დავუმატოთ ისპანახი, დავახუროთ სახურავი და დაბალ ცეცხლზე ვშუშოთ. შევანელოთ მარილით, წიწაკითა და ჯავზით. ღუმელი გავაცხელოთ 200 გრადუსზე. კვერცხი და რძე გავთქვიფოთ, დავუმატოთ მარილი. თევზის ფილე ოთხ ნაწილად გავყოთ და მარილი მოვაყაროთ. ისპანახი ოთხ პატარა საცხობ ფორმაში მოვათავსოთ, თითოეულში ჩავდოთ თითო თევზის ნაჭერი და გათქვეფილი კვერცხი მოვასხათ. ზემოდან მოვაყაროთ გახეხილი ყველი და 20 წუთის განმავლობაში შევდგათ ღუმელში.

© ღვინის კლუბი /Weekend