პიკანტური მარინადი კიტრითა და წიწაკით

საჭირო მასალა: 2 ცალი დიდი კიტრი, 1 ცალი დიდი ხახვი, 1 ცალი ტკბილი წითელი წიწაკა, 1/4 ჭიქა მარილი, 3 ჭიქა შაქარი, 2 ჭიქა ვაშლის ძმარი, 1 ს.კ. მდოგვის მარცვლები, 2 ს.კ. ნიახურის თესლი ან წვრილად დაჭრილი ნიახური, 1 ჩ.კ. ბაჰარის მარცვლები, 1 ცალი დაფნის ფოთოლი.

მომზადება: წიწაკა, კიტრი და ხახვი წვრილად დავჭრათ, მოვაყაროთ მარილი და დავასხათ იმდენი წყალი, რომ დაიფაროს. ასე გავაჩეროთ 6 საათის განმავლობაში. შაქარი, ძმარი და სანელებლები მოვათავსოთ ქვაბში და 5 წუთის განმავლობაში დაბალ ცეცხლზე ვადუღოთ. ამასობაში ბოსტნეულის ნარევი  საწურზე გადავწუროთ და ვაცადოთ, რომ დაიწრიტოს, შემდეგ კი ჩავყაროთ ქვაბში. თავახდილი ვადუღოთ საშუალო ტემპერატურაზე, ამოვიღოთ დაფნის ფოთოლი. მარინადი ქილებში ჩავასხათ და 10 წუთის განმავლობაში გავასტერილოთ.

© ღვინის კლუბი/Weekend