თევზი ნუშის საფანელში

საჭირო მასალა: 1 თავი ხახვი, 1 კბილი ნიორი, 1 ცალი პატარა ლიმონი, 2 ს.კ. ზეთი,  300 გ პამიდორი ჩერი, 75 მლ თეთრი ღვინო ან ბულიონი, 4 ს.კ. დაფქული ნუში, 4 ნაჭერი თეთრი თევზის ფილე (თითო 75 გ), 1 კონა ოხრახუში,  მარილი, პილპილი, ხმელი ბეგქონდარა – გემოვნებით.

მომზადება: ხახვი და ნიორი წვრილად დავჭრათ. ლიმონს მოვაცალოთ ცედრა. ნიორი და ხახვი 1 ს.კ. ზეთში მოვშუშოთ. დავუმატოთ პამიდორი, დავასხათ ღვინო და თავდახურული დაბალ ცეცხლზე 10 წუთი ვშუშოთ. ამასობაში ნუში, ლიმონის ცედრა, ბეგქონდარა, მარილი და პილპილი ავურიოთ. საფანელში ამოვავლოთ თევზის ნაჭრები და ზეთდასხმულ ტაფაზე, მაღალ ცეცხლზე მსუბუქად შევბრაწოთ, შემდეგ გადავიტანოთ საცხობ ფორმაში და 200 გრადუსზე გახურებულ ღუმელში 8 წუთით შევდგათ. პამიდორს დავუმატოთ დაჭრილი ოხრახუში, მარილი, პილპილი და თევზთან ერთად მივიტანოთ სუფრაზე.

© ღვინის კლუბი/Weekend