ქაშაყი მდოგვისა და ღვინის მარინადში

საჭირო მასალა: 2 ს.კ. შაქარი, 1 ს.კ. მდოგვის მარცვლები, 100 მლ ზეთი, 100 მლ მშრალი წითელი ღვინო, 2 ს.კ. “ბალზამიკო,” 300 გ ნაკლებად მარილიანი ქაშაყის ფილე, შეიძლება მთლიანი თევზიც, 0,5 ჩ.კ. თეთრი და შავი პილპილის მარცვლები, 3 ღერი კამა, 1 ცალი დაფნის ფოთოლი.

მომზადება: ღვინო და ძმარი გავაცხელოთ, ჩავუმატოთ შაქარი და როცა ღვინოში კარგად გაიხსნება, გავაგრილოთ. ფილე დავჭრათ ნაჭრებად. მარინადის მასალა კი კარგად გავთქვიფოთ და თანდათან დავუმატოთ ზეთი, მოვათავსოთ შიგ დაფნის ფოთოლი, პილპილისა და მდოგვის მარცვლები და დაჭრილი კამა. მომზადებული მარინადი მოვასხათ მინის ჭურჭელში მოთავსებულ თევზს და 2-3 დღით დავდგათ მაცივარში.

© ღვინის კლუბი/“Weekend“