თევზის ბურთულები

საჭირო მასალა: 400 გ  თევზის ფილე, 2-3 ნაჭერი პური, 1 ჭიქა რძე, 1-2 კვერცხი, მარილი, პილპილი – გემოვნებით, 1 კონა კამა, ზეთი და ღორის ქონი – ფრიტიურისთვის, 200 გ საფანელი,  1 ცალი ფორთოხალი – გასაფორმებლად.

მომზადება: პურის ნაჭრებს დავასხათ ცხელი რძე. თევზის ფილე გავატაროთ ხორცსაკეპ მანქანაში. რძეში დამბალი პური მსუბუქად გავწუროთ და კვერცხის გულებთან, მარილთან და პილპილთან ერთად თევზის ფარშს დავუმატოთ. ცალკე კარგად გავთქვიფოთ კვერცხის ცილა და ფარშს შევურიოთ. ფარშისგან მოვამზადოთ პატარა ბურთულები, თითოეული ამოვავლოთ საფანელში. ღრმა ტაფაში გავაცხელოთ ზეთი და ღორის ქონი და შიგ ჩავყაროთ მომზადებული ბურთულები. ზეთი და ღორს ქონი უნდა იყოს 1:1 პროპორციით. მზა კერძს მოვაყაროთ დაჭრილი კამა და გარშემო შემოვუწყოთ ფორთოხლის ნაჭრები.

© ღვინის კლუბი/Weekend