თევზი სურპრიზით

საჭირო მასალა: 2 ცალი თევზის ფილე. მარინადისათვის – 250 მლ წყალი, 2 ს.კ. ძმარი, 100 მლ ზეთი, მარილი, პილპილი. გულსართი – 150 გ მაგარი ყველი, 2 ცალი მოხარშული კვერცხი, 2 თავი ხახვი, 1 კონა ოხრახუში.

მომზადება: თევზის ფილე ჩავდოთ მარინადში და გავაჩეროთ 30 წუთი. გავხეხოთ ყველი. მოვამზადოთ გულსართი – მოვშუშოთ წვრილად დაჭრილი ხახვი, შევურიოთ გახეხილი ყველის ნაწილი და ოხრახუში. ცხიმწასმულ ფოლგაზე დავდოთ ერთი ფილე, მოვაყაროთ გახეხილი ყველის ნახევარი, შემდეგ გულსართი, შემდეგ დარჩენილი ყველი, დავაფაროთ მეორე ფილე, ფოლგა კონვერტივით დავკეცოთ, მოვათავსოთ თუნუქის ფურცელზე და 20 წუთის განმავლობაში გამოვაცხოთ 250 გრადუსზე გახურებულ ღუმელში.

© ღვინის კლუბი/Weekend