გამოქვეყნებულია: 21 ოქტომბერი, 2010 - 12:45
გერმანიის ქალაქ ჰამბურგში, მდინარე ელბის ნაპირას გაშენებული პარლამენტისა და მერიის კუთვნილი ვენახი ბოროტმოქმედებმა ისე გაანადგურეს, რომ ვაზის ასამდე ძირს მხოლოდ აქა-იქ თუ შერჩა მტევნები. გადარჩენილი ყურძენი ხელმოკლე მოსახლეობას დაურიგდა. ბოროტმოქმედები ჯერ არ დაუკავებიათ, თუმცა ყველას აოცებს ის ფაქტი, თუ როგორ შეძლეს მათ ამ რაოდენობის ყურძნის გატანა შეუმჩნევლად. ვენახში, რომელიც გერმანიაში ყველაზე ჩრდილოეთით მდებარე ვენახად ითვლება, ,,რეგენტისა“ და ,,ფენიქსის“ ჯიშს ყურძენი მოჰყავთ და მათგან თეთრ მშრალ ღვინოს - Stintfang Cuvee-ს ამზადებენ. ეს ღვინო ყოველწლიურად მომცრო ბოთლებში ისხმება და გასაყიდად არ არის გამიზნული - ჰამბურგის მერია ღვინით ქალაქის საპატიო სტუმრებს ასაჩუქრებს.
© ღვინის კლუბი/“Weekend“
თემა:
ბეჭდვა
თქვენი კომენტარი