რამდენიმე დღის წინ ბურგუნდიაში გადაუღებელი წვიმები დაიწყო. 2001 წლის შემდეგ ამ მხარეში ნალექის რეკორდული მაჩვენებელი სწორედ ამ დღეებში დაფიქსირდა. კოკისპირული წვიმების გამო მდინარეები ადიდდა და Coted'Or–ისა და Chablis–ის მეურნეობები დაიტბორა. ასევე წყლით დაიფარა Chassagne-Montrachet-ს ზოგი ვენახიც. სამწუხაროდ, სინოპტიკოსები დამაიმედებელ პროგნოზს ვერ აკეთებენ. ადიდებულმა მდინარემ სავინი-ლე-ბონის მიდამოებში გზებიც დააზიანა, რის გამოც კინაღამ ჩაიშალა ღვინის ყოველწლიური ფესტივალი Bienvenue a Savigny. მართალია, სტიქია ჩრდილოეთითაც გავრცელდა და შაბლისა და ტონერის კომუნაც დააზარალა, მაგრამ მოსავალს დიდი საფრთხე არ შექმნია – იქაური ვენახების უმრავლესობა ხომ ფერდობებზეა გაშენებული. თუმცა ადიდებულმა წყალმა თითქმის სულ დაფარა Domaine Servin-ის მარანი. წელს უამინდობის გამო მხოლოდ ბურგუნდიამ არ იზარალა – ძლიერი ყინვის გამო ლუარას მხარეში მოსავლის 60% დაზიანდა, ბერჟერაკის მიდამოებში კი მოსავლის 80% სეტყვამ შეიწირა.
© ღვინის კლუბი/Weekend
ბეჭდვა
თქვენი კომენტარი