Home
ქართული | English
აპრილი 2020
ორშსამოთხხუთპარშაბკვი
303112345
6789101112
13141516171819
20212223242526
27282930123

მულტიმედია

კომენტარები

წითელ ღვინოებს საფრთხე ემუქრება

ბორდოელი ექსპერტ-ენოლოგები შიშობენ, რომ წითელ ღვინოებს ნაადრევი ოქსიდაციის საფრთხე ემუქრებათ, ამ პროცესს კი დავარგებულ ღვინოში ჟანგბადის სიჭარბე იწვევს. ასეთი ღვინო დასალევად უვარგისია. ადრე მიაჩნდათ, რომ ეს "სენი" შეიძლებოდა მხოლოდ თეთრ ღვინოს შეყროდა. დღეს კი მევენახეობა-მეღვინეობის ინსტიტუტში (ISVV) მიაჩნიათ, რომ ოქსიდაცია წითელ ღვინოებსაც ემუქრება. ცნობილმა ფრანგმა მეღვინემ და ენოლოგიის ფაკულტეტის პროფესორმა, დენი დუბურდიემ პირდაპირ განაცხადა: "ათი წლის წინ ყველამ იცოდა თეთრი ღვინოების ნაადრევი ოქსიდაციის შესახებ, მაგრამ ამის ხმამაღლა განხილვა არავინ მოინდომა. დღეს კი, როგორც ვატყობ, ზუსტად იგივე მეორდება წითელ ღვინოებთან დაკავშირებით." დუბურდიემ აღნიშნა, რომ საფრთხე შესაძლოა დაემუქროს 2003, 2009 და სხვა წლების მოსავლის ღვინოებსაც, თანაც ეს მხოლოდ ბორდოს არ ეხება. მეღვინეებმა უნდა იცოდნენ, რომ საფრთხე ელის ნებისმიერ რეგიონს, სადაც დავარგებულ წითელ ღვინოს ასხამენ. აღსანიშნავია, რომ თეთრი ღვინისაგან განსხვავებით, წითელი ღვინო ნაადრევი ოქსიდაციისაგან ბუნებრივად არის დაცული - ის ბევრად მეტ ტანინს შეიცავს, რაც ჟანგბადის ზემოქმედებას უშლის ხელს. როგორ მივხვდეთ, რომ ღვინოს ნაადრევი ოქსიდაციის საფრთხე ემუქრება? ამის ყველაზე მკაფიო სიმპტომია, როცა ღვინოში აშკარად გამოიხატება შავქლიავის, კომპოტის, ლეღვისა და სხვა ჩირეულის ნოტები. გარდა ამისა, ჟანგბადის ზემოქმედების გამო წითელი ღვინო, თეთრის მსგავსად, სწრაფად იცვლის ფერს. ღვინის ნაადრევი ოქსიდაცია შეიძლება რამდენიმე მიზეზით იყოს გამოწვეული: როცა ყურძენს გვიან კრეფენ, რადგან სურთ, მიიღონ მწიფე და დაბალმჟავიანობის მქონე ნაყოფი; როცა ღვინის დასაყენებლად იყენებენ ახალგაზრდა მუხის კასრებს; როცა ღვინოში მცირდება გოგირდის დიოქსიდი (განსაკუთრებით pH-ის მაღალ კონცენტრაციასთან კომბინაციაში). დუბურდიეს თქმით, "მეღვინეები ამ ყველაფერს იმიტომ აკეთებენ, რომ სურთ, უკეთესი ხარისხისა და ეკოლოგიურად სუფთა პროდუქტი შექმნან. თუმცა, კოლეგიალური დუმილის ნაცვლად მე მაინც მირჩევნია, ისინი წინასწარ გავაფრთხილო მოსალოდნელი საფრთხის შესახებ." 
 
© ღვინის კლუბი/Weekend
 

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.