წელს მოსახლეობისგან ყურძენს არც „ქინძმარაულის მარანი“ ჩაიბარებს. „ქინძმარაულის მარნის“ დირექტორის დიმიტრი ლებანიძის განცხადებით, კომპანია 1200 ტონაზე მეტი ყურძნის მოკრეფას საკუთარი ვენახებიდან ვარაუდობს, ამიტომ გლეხებიდან დამატებითი ყურძნის შეძენა არ სჭირდება.
2010 წელს წელს „ქინძმარაულის მარანი“ ექსპორტზე 400 ათას ბოთლზე მეტ ღვინოს გაიტანს, რაც შარშანდელთან შედარებით 20%-ით მეტია. კომპანიას ღვინო ჩინეთში, სინგაპურში, პოლონეთსა და ბელორუსიაში გააქვს.
რადიო „კომერსანტის“ ინფორმაციით, მოსახლეობიდან ყურძნის მხოლოდ მცირე რაოდენობის ჩაბარებას გეგმავს „თელავის ღვინის მარანი“, რომელიც ერთ-ერთი მსხვილი კომპანიაა საქართველოში. „თელავის ღვინის მარნის“ სამეთვალყურეო საჭოს თავმჯდომარის ზურაბ თამაზაშვილის განცხადებით, კომპანია წელს 2500 ტონა ყურძნის გადამუშავებას გეგმავს, რაც ძირითადად საკუთარი ვენახებიდან მოწეული მოსავალი იქნება.
მისი თქმით, „თელავის ღვინის მარანი“ მიმდინარე წელს მილიონ 800 ათას ბოთლ ღვინოს ჩამოასხამს. აქედან მილიონ 600 ათასი ექსპორტზე გავა, რაც გასული წლის მაჩვენებელთან შედარებით 20%-ით მეტია. „თელავის ღვინის მარანს“ ღვინო პოსტსაბჭოთა რესპუბლიკების გარდა ინგლისში, ჰოლანდიასა და შეერთებულ შტატებში გააქვს.
© GHN
ბეჭდვა
თქვენი კომენტარი