ტურისტებს “მთვრალი” კრუიზები ხიბლავთ

ტურისტულმა საიტმა Bonvoyage 24-დან 75 წლამდე ასაკის 1,4 ათასი ბრიტანელი გამოკითხა, რომლებიც ბოლო 5 წლის განმავლობაში ხშირად მოგზაურობენ გემით. გამოკითხვამ კი აჩვენა, რომ მათი უმრავლესობა კრუიზში დროს “არაფხიზლად” ატარებს.

გაირკვა, რომ გამოკითხულთა 31% კრუიზის განმავლობაში გამუდმებით სვამს. მოგზაურთა დიდი ნაწილისათვის ყოველი დღე ალკოჰოლური სასმლით – კოქტეილით ან კონიაკიანი ყავით - იწყება. მოგზაურთა 9% კი გულწრფელად აღიარებს, რომ კრუიზის განმავლობაში არც კი გამოფხიზლებულა. როგორც გაირკვა, გემზე მყოფთა უმრავლესობა სმას შუაღამისას ამთავრებს.

საბოლოოდ, გამოკითხვის მიხედვით, დადგინდა, რომ რესპოდენტთა 84% კრუიზის განმავლობაში ალკოჰოლურ სასმელს სვამს, 68% კი თავიდანვე ირჩევს “all Inclusive” სერვისს. მოგეხსენებათ, თუ ამ სერვისს აირჩევთ, მთელი კრუიზის განმავლობაში ნებისმიერ ალკოჰოლურ სასმელს უფასოდ მიიღებთ.

© ღვინის კლუბი /Weekend