გამოქვეყნებულია: 10 ნოემბერი, 2012 - 16:44
ბორდოს ღვინის ბიუროს (CIVB) ინიციატივით, ბორდოელი მოსწავლეები მეღვინეობას შეისწავლიან. მეღვინეობის ძირითად პრინციპებს ბავშვებს 6 წლიდან აუხსნიან და ყურძნის სხვადასხვა ჯიშების ცნობასაც ასწავლიან. გარდა ამისა, სპეციალურად მათთვის მოეწყობა ექსკურსიები, სადაც ბავშვებს შეეძლებათ მეღვინეებს შეკითხვები დაუსვან. აღნიშნული პროგრამა ექვსიდან თერთმეტ წლამდე ასაკის ბავშვებისთვის არის განკუთვნილი. „იმედი გვაქვს, რომ ახალი წამოწყება ახალგაზრდა თაობას ჩვენი რეგიონისთვის ასე მნიშვნელოვანი დარგის - მეღვინეობის სიყვარულს ჩაუნერგავს, მის ეკოლოგიურ და ეკონომიკურ მნიშვნელობას და ამ დარგის, როგორც უძველესი კულტურის, რაობასაც მიახვედრებს“, - აღნიშნა CIVB-ის პრეზიდენტმა ჯორჯ ჰოშელტერმა.
© ღვინის კლუბი/Weekend
თემა:
ბეჭდვა
თქვენი კომენტარი