17 თებერვალს საქართველოს პარლამენტის ეროვნული ბიბლიოთეკის მე-3 კორპუსში საქართველოს ღვინის კლუბის ორგანიზებით მორიგი საჯარო ლექცია გაიმართა. მრავალრიცხოვანი აუდიტორიის წინაშე, ამჯერად, ენოლოგი ნიკოლოზ ნატროშვილი წარდგა. მოხსენება შეეხებოდა ტერუარის ეფექტს მევენახეობა-მეღვინეობის სფეროში.
ენოლოგმა აუდიტორიას გააცნო ტერუარის ცნების განვითარების ისტორია და მისი აქტუალური მნიშვნელობა - რა კომპონენტებს აერთიანებს ტერუარის კონცეფცია თანამედროვე მსოფლიოში. მან საფუძვლიანად მიმოიხილა მსოფლიოს ტერუარების (შვეიცარია, საფრანგეთი, საქართველო, ლიბანი, ხორვატია) მაგალითები, რომელთაგან განსაკუთრებული ყურადღება დაუთმო საფრანგეთის გამოცდილებას.
ნიკოლოზ ნატროშვილმა მსმენელებს გააცნო ინტერნეტ პორტალი, რომელიც საფრანგეთში მიმდინარე ათწლიანი პროექტის ონლაინ პროდუქტია. პროექტი ითვალისწინება ფრანგი ენოლოგებისა და ამპელოგრაფების მოგზაურობას მსოფლიოს მასშტაბით ახალი ტერუარების აღმოსაჩენად.
საჯარო ლექციას საკმაოდ ხანგრძლივი კითხვა-პასუხის რეჟიმი მოჰყვა, სადაც მეღვინეებსა და ღვინის მოყვარულებს საშუალება ჰქონდათ, კონსულტაციები მიეღოთ ენოლოგისგან არამხოლოდ კონკრეტული თემის - ტერუარების, არამედ სხვადასხვა პრაქტიკული საკითხების გარშემო.
© საქართველოს ღვინის კლუბი, ღვინის ეროვნული სააგენტო
ბეჭდვა
ირაკლი, მარტიდან ვიწყებ ამ ტიპის შეხვედრებს, ეს არ იქნება ლექციების ფორმატი, უფრო წინასწარი შეკიტხვების მიხედვით მომზადებული შეხვედრა.
მასტროიანი, ჩვენ ყოველწლიურად ვატარებთ ტრენინგებს კონკრეტული მოდულების მიხედვით. წელსაც 10 ტრენინგის ჩატარებას ვაპირებთ – მევენახეობა, მეღვინეობა, ღვინის დაავადებები, ღვინისა და კერძის შეხამება, როგორ დავაგემოვნოთ ღვინო, ღვინით მომსახურება და სხვ. ინფორმაციები აქ ამ საიტზეც შეგიძლიათ ხოლმე ნახოთ და ჩვენს ფეისბუკ–პეიჯზეც: https://www.facebook.com/WineClub.ge
მიუთითეთ "ზვარი", ან "ზვრები" :) მაგალითად: ლამიანების ზვრები, წარაფის ზვრები, ძეძვიანი ზვარი, კარიეთის ზვარი და ა.შ.
ჯიშზე ადგილწარმოშობის სტატუსის მინიჭება შეუძლებელია :) ადგილწარმოშობის დასახელების ღვინო მხოლოდ კონკრეტულ ადგილს გულისხმობს.
ვერ გავიგე რას გულისხმობთ პახმელიაზე შემოკარგვაში :) ან ადგილის დაკარგვაში. ადგილწარმოშობის დასახელება PDO (Protected Designation of Origin) ხელოვნურად ვერ შეიქმნება. ამისთვის მყარი ტრადიცია უნდა არსებობდეს. მაგ. ხაშმის საფერავი ასეთია. მომავალში შესაძლებელია გაჩნდეს ასეთი ადგილწარმოშობის ღვინო – ხაშმი. უკვე ასეთია ალბათ მაღრაანის ქისიც და არაერთი სხვა ადგილი საქართველოში. უსახელოურის ღვინო განთქმულია, თუმცა უსახელოური ვერ ერქმევა ადგილწარმოშობის ღვინოს, უნდა ერქვას ოყურეში ან ზუბი ან სხვა სახელი :)
თქვენი კომენტარი