გამოქვეყნებულია: 5 ნოემბერი, 2008 - 15:45
ღვინის კომპანია ``რაჭული ღვინო`` მიმდინარე სეზონზე მომხმარებელს ღვინის ორ ახალ სახეობას – თეთრ მშრალ ღვინო ``რაჭას`` და ნახევრადმშრალ ``რაჭა წითელს`` შესთავაზებს. ამის შესახებ კომპანიის ხელმძღვანელმა ომარ ჭელიძემ განაცხადა.
მისი ინფორმაციით, წლევანდელ რთველზე კომპანიამ რაჭაში 70 ტონა ყურძენი შეისყიდა, კილოგრამი 2 ლარად, რასაც ერთი ლარის სახელმწიფო სუბსიდია ემატება. კომპანიას ამბროლაურის რაიონში საკუთარი ღვინის ქარხანა აქვს და დღეისთვის 10 სახეობის ღვინოს აწარმოებს, რომელთა ფასი 5–დან 14 ლარამდე მერყეობს. კომპანიის პროდუქცია ექსპორტზე ამერიკაში, კანადაში, გერმანიასა და ჩინეთში გადის.
სიახლეა ღვინის მწარმოებელი კომპანია ``ოკამშიც``. კომპანია გაყიდვების სტრატეგიას ცვლის და ადგილობრივ ბაზარზე აქტიურ შესვლას გეგმავს. დღემდე ``ოკამს`` პროდუქცია ძირითადად ექსპორტზე გაქონდა, რომლის 80%-საც უკრაინაში ჰყიდდა. კომპანიამ საბრენდე სპირტის გატანა კორეაშიც დაიწყო, სადაც 45 ათასი ბოთლი უკვე გაგზავნა და მიმდინარე წლის ბოლომდე კიდევ 60 ათას ბოთლს გაგზავნის.
რადიო ``კომერსანტი``
ბეჭდვა
თქვენი კომენტარი