Home
ქართული | English
სექტემბერი 2018
ორშსამოთხხუთპარშაბკვი
272829303112
3456789
10111213141516
17181920212223
24252627282930

მულტიმედია

კომენტარები

რაჭაში 2015 წლის მოსავლის ნახევარზე მეტი უკვე გადამუშავდა

საქართველოში კახეთის რთველს განსაკუთრებული დატვირთვა აქვს აქაური ვენახების ფართობიდან, მოსავლის მოცულობიდან და ყურძნის გადამუშავების მასშტაბებიდან გამომდინარე. ამის შემდეგ სახელმწიფოსა და ღვინის ინდუსტრიის ყურადღების ფოკუსი რაჭის რეგიონზეა მომართული, რადგან რაჭაში ერთ-ერთი ყველაზე პოპულარული და გაყიდვადი -ხვანჭკარას მიკროზონა მდებარეობს. 

მიუხედავად იმისა, რომ 2014 წლიდანვე ნახევრად ტკბილი ხვანჭკარას ექსპორტს მნიშვნელოვანი დარტყმა მიაყენა მისი გაყიდვის ძირითად ბაზრებზე (რუსეთი, უკრაინა) არსებულმა ეკონომიკურმა კრიზისმა და მოთხოვნის შემცირებამ, ალექსანდროული და მუჯურეთული კვლავ რჩება საქართველოში ერთ-ერთ ყველაზე ძვირიან ჯიშებად (დაველოდოთ ოჯალეშის რთველს სამეგრელოში). 

2014 წლის მოსავალზე რაჭის რეგიონში სულ 990 ტ. ალექსანდროული-მუჯურეთული გადამუშავდა. ღვინის ეროვნული სააგენტოს თავმჯდომარის, გიორგი სამანიშვილის განცხადებით, წელსაც სახელმწიფო 800-დან 1000 ტონამდე მოსავალს მოელის რაჭის რეგიონში. 

რაჭის, კონკრეტულად კი -  ხვანჭკარას მიკროზონის 2015 წლის რთველს წინ უძღვოდა გვალვიანი სექტემბერი, რომელიც თვის ბოლომდე გაგრძელდა. ოქტომბრის დასაწყისში კი ტემპერატურამ საკმაოდ დაიწია. ამას დაერთო წვიმიანი დღეები. მევენახეები ცდილობენ, ამინდის გამოსვლისთანავე აიღონ მოსავალი და დროულად დააბინაონ ყურძენი. 

2015 წელს ალექსანდროულისა და მუჯურეთულის საბაზრო ფასი შარშანდელს, დაახლოებით, სამჯერ ჩამოუვარდება, თუმცა, სახელმწიფოს ჩარევით, ზონაში მოწეული კონდიციური და ხარისხიანი ყურძნის ფასი 5 ლარამდე, ხოლო არაკონდიციურისა (21 %-ზე დაბალი შაქრიანობით) - 3 ლარამდე გაიზარდა. ძელშავისა და შერეული ჯიშების წლევანდელი მოსავლის ფასი 70 თეთრია. 

რაჭის რთველის დაწყებიდან ერთი კვირის თავზე, ღვინის ეროვნული სააგენტოს ოფიციალური წყაროს (rtveli2015.gov.ge) 15 ოქტომბრის მონაცემებით, უკვე გადამუშავებულია 644 ტ. ყურძენი, რომლის ღირებულება 2 844 679 ლარს შეადგენს. სახელმწიფო ბაზაში დარეგისტრირებულია ღვინის 13 კომპანია, რომლებიც რაჭის რეგიონში ყურძნის შეძენას გეგმავს. 

სახელმწიფოს ამბროლაურის მუნიციპალიტეტში გახსნილი აქვს ღვინის გადამამუშავებელი 6 პუნქტი, სადაც ადგილობრივი მევენახეები ყურძენს აბარებენ. გიორგი სამანიშვილის განცხადებით, სახელმწიფო მზადაა, ნარჩენი ყურძნის არსებობის შემთხვევაში, სრულად შეიძინოს ალექსანდროული და მუჯურეთული, რათა რაჭის რეგიონში არც ერთი კილოგრამი აღნიშნული ჯიშის ყურძენი არ დარჩეს გადაუმუშავებელი.  

© საქართველოს ღვინის კლუბი, ღვინის საინფორმაციო ცენტრი. 

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.