Home
ქართული | English
თებერვალი 2018
ორშსამოთხხუთპარშაბკვი
2930311234
567891011
12131415161718
19202122232425
2627281234

მულტიმედია

კომენტარები

ქართული ღვინო დიდი ბრიტანეთის ბაზარზე – მზადება მაისისთვის

ბრიტანულ პრესაში არ წყდება ქართული ღვინის შესახებ პუბლიკაციები. განსაკუთრებით ბოლო დროს, მას შემდეგ, რაც ბრიტანულ ბაზარზე ქართული ღვინის სტრატეგიაზე მუშაობა სახელოვანმა ღვინის მაგისტრმა, სარა ებოტმა და ღვინის მწერალმა რობერტ ჯოზეფმა დაიწყეს.

2 დღის წინ გამოცემა Offlicencenews–მა წერილი მიუძღვნა ბრიტანულ ბაზარზე ქართული ღვინის დამკვიდრების თემას და კიდევ ერთხელ შეახსენა მკითხველს, რომ ქართულ ღვინოს ამ ეტაპზე სარა ებოტი და რობერტ ჯოზეფი წარმოადგენენ, რომლებსაც ღვინის ეროვნულმა სააგენტომ ქართული ღვინის სტრატეგიის შემუშავება ანდო. მათთან ბრიტანეთის ბაზარზე ქართული ღვინის ცნობადობის გაზრდაზე მადლენ უოტერსიც ითანამშრომლებს, რომელიც რამდენიმე წლის წინ სარა ებოტთან ერთად თურქული ღვინის PR–ზე მუშაობდა.

წერილში ასევე საუბარი იყო London Wine Fair–ზე (22–24 მაისი) და The Real Wine Fair-ზე (7–8 მაისი) ქართული ღვინის ეფექტურად წარდგენის შესახებ. სარა ებოტი თავის კომენტარში უფრო ტრადიციულ ქვევრის ღვინოზე ამახვილებდა ყურადღებას, რობერტ ჯოზეფმა კი, ბევრის გასაკვირად, ცქრიალა და ვარდისფერი ქართული ღვინოები გამოჰყო.

შეგახსენებთ, თებერვლის თვეში სარა ებოტი და რობერტ ჯოზეფი საქართველოს სტუმრობდნენ და არაერთი შეხვედრა გამართეს, ასევე ჩაატარეს სემინარი, სადაც ქართველ მეღვინეებს ბრიტანული ბაზრის სპეციფიკაზე ესაუბრნენ, გაუზიარეს თავიანთი გამოცდილება და ცოდნა. 

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

By submitting this form, you accept the Mollom privacy policy.
საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.