ქალაქური მარანი

2011 წელს ჩიკაგოში, შემდეგ კი უკვე ამერიკის სხვა ქალაქებში იგეგმება ისეთივე ქალაქური მარნების გახსნა, როგორიც მუსიკალურმა პროდიუსერმა მაიკლ დორფმა 2008 წელს გახსნა ნიუ-იორკში. მაიკლ დორფი და ბურგუნდიელი მეღვინე დევიდ ლეკონტი არგენტინასა და ამერიკის შეერთებულ შტატებში ყიდულობენ ყურძენს, რომელსაც შემდეგ თავიანთ მარანში წურავენ და საბოლოოდ, ბოთლებში დაფასოებულს და კერძო მარკით (private label) დამშვენებულს უშვებენ საკუთარი დამფუძნებლებისთვის. ქალაქის მარანს საკუთარი ბარი და რესტორანიც აქვს. დღესდღეობით მარანს 220 დამფუძნებელი ჰყავს, რომელთაც კასრ ღვინოში 5000-დან 10000 დოლარამდე აქვთ გადახდილი. დორფისა და ლეკონტის ოცნებაა მსოფლიოს დიდ ქალაქებში: პარიზში, ლონდონში, შანხაისა და ჰონგ კონგშიც გახსნან ქალაქური მარნები. მთავარია, რომ იქაურ მცხოვრებთა შორის მრავლად იყვნენ კულტურული მოქალაქეები, რომელთაც უყვართ და აფასებენ ნამდვილ ღვინოს – აცხადებენ დორფი და ლეკონტი.