21-დან 23 მაისამდე პარიზში კულინარიული ფესტივალი Heures Heureses გაიმართება და მასში 200-მდე პარიზული ბარი, რესტორანი და ბისტრო მიიღებს მონაწილეობას. ღონისძიებას უცნაური მიზანი აქვს: ფესტივალის განმავლობაში ტურისტებს საშუალება ექნებათ პატარ-პატარა ულუფებად საუკეთესო ფრანგული კერძები დააგემოვნონ, თანაც სულ რაღაც 2 ევროდ. ფესტივალის მონაწილე ყველა ობიექტი საფირმო კერძს გამოიტანს, რომელიც საუზმეულისა და სასმლისაგან შედგება. ცხადია, ტურისტებს მომცრო ზომის ბაგეტებს, კროკ-მესიეს (Croque-Monsieur), ტერინებს (Terrine) და ფრანგული სამზარეულოს სხვა დელიკატესებსაც შესთავაზებენ. ფესტივალში მონაწილეობას მიიღებენ არა მხოლოდ ფრანგული, არამედ აზიური, იტალიური, ესპანური და მექსიკური რესტორნებიც. ფესტივალის მონაწილეებს, გემრიელი კერძების გარდა, უამრავი საინტერესო აქცია და ფასდაკლება ელით.
© ღვინის კლუბი /Weekend
ბეჭდვა
თქვენი კომენტარი