„ოქრო ღვინო“ – „ღვინის კლუბის“ მორიგი არჩევანი

გასულ კვირას, ხუთშაბათს, 19 აგვისტოს, საღამოს 8 საათზე H&H ში „ღვინის კლუბმა“ თავისი მორიგი რჩეული წარადგინა, მწარმოებელი - შპს "ოქროჯგუფი" და მისი ღვინოები:
1. ოქროღვინო "რქაწითელი" – კახური, თეთრი, მშრალი ღვინო, სიღნაღის რაიონის სოფ. ბოდბისხევიდან.
2. ოქროღვინო "საფერავი" – კახური, წითელი, ბუნებრივად ნახევრადტკბილი ღვინო, სიღნაღის რ-ნი სოფ. ტიბაანიდან. ღვინო დამზადებულია ე.წ. გვიანი მოსავლის ტექნოლოგიით, ვაზზე დაჩამიჩებული ყურძნისაგან, გამოირჩევა ყურძნის ჩამიჩის სასიამოვნო არომატით და ხავერდოვანი გემოთი.

სულ მალე, ეს ღვინოები წარმოდგენილი იქნება ოთხ თბილისურ რესტორანში: Hadson&Hooker (ბელიაშვილის ქუჩა), ირლანდიური პაბი „დუბლინი“ (ახვლედიანის ქ. 8), ბრიტანული პაბი OLD LONDON (ახვლედიანის ქ. 6) და ამერიკული პაბი „ბუფალო ბილი“ (ახვლედიანის ქ.16).