ჩვენი გაზეთის წინა ნომრებში ვწერდით, რომ მოლდოვური ღვინის წარმოება ბოლო დროს აღმავლობის გზაზე დგას, რაზეც პროდუქციის ექსპორტის ზრდა და გასაღების ბაზრის გაფართოებაც მეტყველებს. მოლდოვური ღვინისა და კონიაკის წარმატება, როგორც ჩანს, თვალში დიდად არ მოუვიდა რუსეთის მთავარ სანიტარულ ექიმს - გენადი ონიშჩენკოს. მან განაცხადა, რომ უახლოეს მომავალში მოლდოვური კონიაკის რუსეთში შეტანა, შესაძლოა, შეიზღუდოს. ისევე, როგორც საბჭოეთის თითქმის ყველა ყოფილი რესპუბლიკა, მოლდოვაც ცდილობს, მისი ეკონომიკა ნაკლებად იყოს დამოკიდებული რუსულ გავლენაზე. სწორედ ამ მცდელობის შედეგია ის, რომ მოლდოვა აქტიურად ცდილობს საკუთარი წარმოების ალკოჰოლური პროდუქციის ევროკავშირის ქვეყნების, ამერიკის შეერთებული შტატებისა და ჩინეთის ბაზარზე გატანასა და დამკვიდრებას.
© ღვინის კლუბი/Weekend
ბეჭდვა
თქვენი კომენტარი