Home
ქართული | English
ნოემბერი 2017
ორშსამოთხხუთპარშაბკვი
303112345
6789101112
13141516171819
20212223242526
27282930123

მულტიმედია

კომენტარები

ომის მიუხედავად სირიაში ღვინის წარმოება და ექსპორტი არ შეჩერებულა

სისხლისმღვრელი სამოქალაქო ომი სირიაში, უკვე წელიწადნახევარზე მეტია, გრძელდება. მიუხედავად ამისა, სირიელები მაინც ახერხებენ არა მარტო აწარმოონ, არამედ ევროპაშიც კი გაიტანონ ღვინო. ამ რთული და სარისკო საქმით სირიელი ძმები - ქარიმ და სანდრო საადები არიან დაკავებულნი. დღესდღეობით ისინი ბეირუთში, სირიის საზღვრიდან რამდენიმე ასეული კილომეტრის მოშორებით ცხოვრობენ. სწორედ იქიდან ხელმძღვანელობენ ძმები ღვინის წარმოებას, რომელიც სირიის მთიან რეგიონში – ჯებელ ალ-ანსარიშია განთავსებული. საწარმოში, რომელიც Domaine de Bargylus-ს ასხამს, დაახლოებით 60 სპეციალისტია დაკავებული. ძმები საადები წარმოების მთელ პროცესს ტელეფონის საშუალებით ხელმძღვანელობენ. ისინი სირიაში საფრანგეთიდან აგზავნიან ღვინის ბოთლებსა და ეტიკეტებს, ვენახიდან კი ყურძენი მათთან მანქანით ჩააქვთ, რათა თავად გადაწყვიტონ რთველის დაწყების თარიღი. ქარიმ საადი აღიარებს, რომ ამ ხერხით ღვინის წარმოება ძალიან რთულია, თუმცა ძმები ამაყობენ, რომ ომის მიუხედავად სირიაში ღვინის წარმოება არ შეუჩერებიათ. Domaine de Bargylus ღვინოს ისინი საფრანგეთსა და დიდ ბრიტანეთში ყიდიან. ლონდონში ერთი ბოთლი ღვინის ფასმა უკვე 53 დოლარს მიაღწია. სირიაში ომი რომც არ ყოფილიყო, აქაურ ღვინოს მსოფლიო ბაზარზე ადგილის დამკვიდრება მაინც ძალიან გაუჭირდებოდა, რადგან როგორც ღვინის გერმანელი ექსპერტი – დეტლეფ რიკი ამბობს, მსოფლიოში ასეთ პროდუქტს, უბრალოდ, არ იცნობენ. რაც შეეხება Domaine de Bargylus-ს, მისი შემქმნელების მიზანი მსოფლიოს ელიტური რესტორნების მომარაგებაა. “ჩვენ ვცდილობთ ცნობილ სომელიეთა ნდობა მოვიპოვოთ. თუ შევძელით ამ ნიშის საფუძვლიანად ათვისება, წარმოება ძალიან არ გაიზრდება, მაგრამ სამაგიეროდ სტაბილური იქნება,” – აცხადებენ ძმები. სირიელი მეღვინეები ამჟამად 40-დან 50-ათასამდე ბოთლ ღვინოს აწარმოებენ წელიწადში და უკეთესი მომავლის იმედი აქვთ.
 
© ღვინის კლუბი/Weekend

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

By submitting this form, you accept the Mollom privacy policy.
საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.