Vinexpo-ს გენერალურმა დირექტორმა, რობერ ბეინამ განაცხადა, რომ გლობალური ეკონომიკური კრიზისის მიუხედავად, მსოფლიოში კიდევ უფრო მეტი ღვინო იყიდება. მსოფლიო ღვინის ბაზრის მოგება დაახლოებით 1%-ით გაიზარდა. ეს მატება ძირითადად ორ რეგიონში – ჩინეთსა და ჩრდილოეთ ევროპაში შეიმჩნეოდა. აღსანიშნავია ერთი ტენდენციაც - დღეს ხალხი შინ უფრო მეტ ღვინოს სვამს, ვიდრე გარეთ, ბარ-რესტორნებში. ამის გამო რესტორნის მფლობელები იძულებულნი არიან, ფასნამატს გადახედონ. იაპონიაშიც კი, სადაც “ონტრეიდი” (ანუ ადგილი, სადაც ადამიანი პროდუქტს ყიდულობს და იქვე მოიხმარს კიდეც – რესტორნები, კაფეები, ბარები...) დღითიდღე იაფდება, “ოფფტრეიდი” (ანუ ადგილი, სადაც შესაძლებელია პროდუქტის მხოლოდ ყიდვა, მოხმარება კი ხდება სხვაგან: მაღაზიები, სუპერმარკეტები, ჯიხურები...) კი ძვირდება, სპეციალისტებმა შენიშნეს, რომ ამ ყველაფრის მიუხედავად, “ონტრეიდის” ბრუნვამ უფრო იმატა. “ევროპაში თითქმის ყველა რესტორანს საკმაოდ მაღალი ფასნამატი აქვს. ისინი ვალდებულნი არიან, ტარიფს დაუკლონ, მომხმარებლისათვის ღვინის შეთავაზების ახალი ფორმა შეარჩიონ და სტუმრებს უფრო მეტად გათვითცნობიერებული სომელიეები მოემსახურონ,” – განაცხადა რობერ ბეინამ.
© ღვინის კლუბი/Weekend
ბეჭდვა
თქვენი კომენტარი