გამოქვეყნებულია: 13 თებერვალი, 2009 - 02:39
ქვეყანაში შექმნილი ფინასური კრიზისის პირობებში ღვინის კომპანიებიც არ გამორიცხავენ, რომ აქცენტი შედარებით დაბალფასიანი ღვინის წარმოებაზე გააკეთონ. როგორც კომპანია "რაჭული ღვინოს" ხელმძღვანელმა ომარ ჭელიძემ განაცხადა, შედარებით იაფი ღვინოების რეალიზაციის მაჩვენებელმა ბაზარზე ამის წინაპირობა უკვე აჩვენა.
"მართალია, ჯერჯერობით ჩვენი ღვინოების არც ძვირადღირებული ნაწილის გაყიდვებს ვუჩივით, თუმცა თუ უმუშევართა რიცხვი ასეთი ტემპით გაიზრდება, ჩვენს მომხმარებელს ძვირადღირებული ღვინის შესაძენად უბრალოდ ფული აღარ ექნება"-აცხადებს ჭელიძე.
რაც შეეხება კომპანიის მუშაობას, როგორც ჭელიძე აღნიშნავს, "რაჭული ღვინო" კრიზისის მიუხედავად სტაბილურად მუშაობს. კომპანია დღეისათვის 10 სახეობის ღვინოს აწარმოებს, რომელთა ფასი ქართულ ბაზარზე 3-დან 14 ლარამდე მერყეობს. "რაჭული ღვინოს" პროდუქციის ექსპორტი ამერიკაში, გერმანიასა და კანადაში ხორციელდება და წელიწადში 80 ათას ბოთლს შეადგენს.
რადიო "კომერსანტი"
ბეჭდვა
თქვენი კომენტარი