როგორც ირკვევა, ჩვენმა წინაპრებმა ჯერ კიდევ ბრინჯაოს ხანაში იცოდნენ ღვინის გემო. ამერიკელმა არქეოლოგებმა ისრაელის ჩრდილოეთით მდებარე თელ კაბრის სასახლეში ღვინის მარანი აღმოაჩინეს. მეცნიერების ანგარიშით, მარანი ჩვ. წ.აღ-მდე 1700 წლით თარიღდება და შესაბამისად, აქამდე ცნობილ უძველეს მარანთა შორის, ერთ–ერთი ყველაზე ადრინდელია. შენობაში ოდესღაც 500 გალონი ღვინო ინახებოდა, რაც 3000 ბოთლის ასავსებად იყო საკმარისი. ღვინის ქიმიური ანალიზით მეცნიერებმა დაადგინეს, რომ მარანში ბერძნული რეცინას მსგავსი ღვინო ინახებოდა. სასმელი ყურძნის ფერმენტირებული წვენის გარდა ბალახეულის, კაკლისა და სხვ. დანამატებისგან მზადდებოდა. იგი ასევე შეიცავდა ფსტისა და კედრის ზეთს, რომლებიც, სავარაუდოდ, კონსერვანტის ფუნქციას ასრულებდა. ამ ყველაფრის გარდა ღვინოში აღმოჩნდა დარიჩინი, თაფლი და ღვიის ან პიტნის ყვავილი.
© ღვინის კლუბი /Weekend
ბეჭდვა
მტარგმნელს შეეშალა როგორც ჩანს. გასწორდა :)
ქართული ღვინის იმიჯს რა უფრო ვნებს ეგ კიდე გასარკვევია და ცალკე საუბრის თემაა :) საქართველო რომ ღვინის აკვანია, ეგ არ ნიშნავს, რომ ყველა სხვა აღმოჩენას დუმილით უნდა ავუაროთ გვერდი. აქ საუბარია ერთ კონკრეტულ აღმოჩენაზე, რომელსაც მეცნიერებმა თავისი განსაზღვრება მისცეს. გარდა ამისა, თუკი გადახედავთ უძველესი ღვინის ისტორიას და ნაშთების ქიმიური ანალიზის კვლევის შედეგებსაც ნახავთ, აღმოაჩენთ, რომ, კლასიკური ანტიკურობის სამყაროში და ცხადია მანამდეც, ჩვეულებრივი მოვლენა იყო ასეთი მინარევები.
ქართული ღვინის იმიჯზე სულ გვიწევს ჩვენ საუბარი ბოლო წლების მანძილზე. ამ საიტზეც ნახავთ არაერთ მასალას. მომავალ წელს კიდევ უფრო ფართოდ გაიშლება პოლემიკა ამასთან დაკავშირებით :)
ესეც წყარო:
http://www.nytimes.com/2013/11/23/science/in-ruins-of-palace-a-wine-with-hints-of-cinnamon-and-top-notes-of-antiquity.html?_r=0
თქვენი კომენტარი