მაღალმა გადასახადებმა შესაძლოა ღვინის ფასი შეამციროს

ელიტურ ღვინოებზე ფასები შეიძლება დავარდეს და ამის მიზეზი ჩინეთის ხელისუფლების კონტრაბანდასთან ბრძოლა იქნება. ყოველ შემთხვევაში, ასე მიიჩნევს ღვინის მწარმოებელი ერთ-ერთი ცნობილი კომპანიის ASC Fine Wines-ის დირექტორი დონ სენ-პიერი. ელიტური ღვინოები ჩინეთში ძირითადად ჰონკონგიდან და მაკაოდან შედის - ამგვარად ექსპორტიორები საგადასახადო ჯარიმებსა და მაღალი განაკვეთებით დაბეგვრას არიდებენ თავს. ჩინეთის ხელისუფლების კონტრაბანდასთან ბრძოლა შორეულ პერსპქტივაში შეიძლება ღვინოზე ფასის დაწევის საფუძველი გახდეს. ექსპერტები თვლიან, რომ თუ ჩინეთის ხელისუფლება ელიტური ღვინის ამ ორ ძირითად მარშრუტს დახურავს, მაშინ მათი მწარმოებლებისგან ფასების გადახედვა გახდება საჭირო. თუ ექსპორტიორებს სრული თანხის გადახდა მოუწევთ, ელიტური ღვინოები საგრძნობლად გაძვირდება, მომხმარებელი კი, სავარაუდოდ, ვეღარ შეწვდება ასეთ ძვირფას პროდუქტს.  სწორედ ამიტომ,გახდება აუცილებელი, რომ მწარმოებელმა ღვინის თვითღირებულება დაწიოს. ჩინეთის ბაზრის მეორე თავისტკივილი – ეს ნაყალბევი ღვინოებია. დონ სენ-პიერის თქმით, ჩინეთის ბაზარზე გამოტანილი ელიტური ღვინოების დაახლოებით 15-20% ფალსიფიცირებულია.

© ღვინის კლუბი/Weekend