გამოქვეყნებულია: 27 დეკემბერი, 2010 - 18:11
ჩეხები, როგორც ჩანს, ბოლო დროს იმპორტული ლუდის სმას ამჯობინებენ. ქვეყანაში ქარვისფერი სასმელის იმპორტი 2010 წლის დასაწყისიდან რეკორდულად გაიზარდა. იანვრიდან ოქტომბრის ჩათვლით ჩეხეთში 740 ათასი ჰექტოლიტრი ლუდი შევიდა, რაც 2009 წლის მონაცემებს ორჯერ აღემატება. ჩეხ მელუდეთა კავშირის აღმასრულებელი დირექტორის იან ვესელის ინფორმაციით, იმპორტირებული ლუდის 50% პოლონეთიდან შემოდის. ადგილობრივ ლუდს, რომელიც იმპორტულთან შედარებით ძვირია, ჩეხები ნაკლებად ყიდულობენ. ამის გამო ქვეყანაში ლუდის წარმოების მოცულობის შემცირებას ელოდებიან. უკვე 2009 წლისათვის ჩეხეთის ლუდსახარშებში ლუდის წარმოება წინა წელთან შედარებით 6%-ით შემცირდა.
© ღვინის კლუბი/Weekend
თემა:
ბეჭდვა
თქვენი კომენტარი