ამას წინათ ლუდის მსოფლიო გიგანტმა Heineken–მა განაცხადა, რომ წარმოებაში ჩაუშვა ახალი, კრეატიული პროექტი, რომელიც ბოთლის ლუდის ყველა მოყვარულს საშუალებას აძლევს საკუთარი, ორიგინალური დიზაინის მიხედვით შექმნას ტარაც და სასმელიც და საკუთარი, ,,საავტორო” ლუდით გაუმასპინძლდეს მეგობრებს. ამის გაკეთება ძალზე მარტივია - საჭიროა მხოლოდ ეწვიოთ კომპანიის ოფიციალურ საიტს, დააწკაპუნოთ ღილაკზე Your Heineken და გასაქანი მისცეთ საკუთარ ფანტაზიას. ბოთლის დიზაინი 3D ფორმატში იქმნება, მისი გადაწყვეტა კი თქვენზეა დამოკიდებული - ბოთლი შეგიძლიათ საკუთარი ფოტოთი, ნახატით, ორიგინალური წარწერით ან სულაც ავტოგრაფით დაამშვენოთ. ორი კვირის განმავლობაში შექმნილი ექვსი საუკეთესო დიზაინის ავტორს ამ ბოთლებს სახლში მიართმევენ. მართალია, ეს გართობა სულ რაღაც 30 დოლარი ღირს, მაგრამ სამაგიეროდ, თქვენ შეგეძლებათ დატკბეთ საკუთარი, ორიგინალური შემოქმედებით.
ბეჭდვა
თქვენი კომენტარი