სამხრეთ კორეის მოსახლეობამ იტალიური სამზარეულო შეიყვარა - პასტისა და რიზოტოს პოპულარობის ზრდასთან ერთად ქვეყანაში დაახლოებით 700 იტალიური რესტორანი გაიხსნა, რამაც აპენინის ნახევარკუნძულზე დაყენებულ ღვინოზე მოთხოვნილების გაზრდაც გამოიწვია. ასე რომ, ახლა იტალიას კორეის ღვინის ბაზრის დაახლოებით 16 პროცენტი უჭირავს, რაც საფრანგეთისა და ჩილეს შემდეგ რიგით მესამე მაჩვენებელია, თუმცა ექსპერტები მიიჩნევენ, რომ ნამდვილი იტალომანია ჯერ კიდევ წინ არის. ფრანგმა ღვინის მწარმოებლებმა აღმოსავლური ღვინის ბაზრის ათვისება კონკურენტებზე გაცილებით ადრე დაიწყეს. აზიის ქვეყნებში ღვინის მოხმარებამ 2011 წელს 5,5 მილიარდ ლიტრს მიაღწია, რაც 2010 წლის მაჩვენებლზე 10%-ით მეტია. ვარაუდობენ, რომ 2015 წლისთვის აზიის ბაზარზე ყოველწლიურად 6 მილიარდ ლიტრზე მეტი ღვინო გაიყიდება.
© ღვინის კლუბი/Weekend
ბეჭდვა
თქვენი კომენტარი