2013 წელს იტალიაში ღვინის გაყიდვებმა საგრძნობლად იკლო. ექსპერტების ვარაუდით, ამის მიზეზი ის გახლავთ, რომ ახალგაზრდებში ღვინოზე პოპულარული უკვე ლუდი გახდა, ოჯახური თავშეყრის ტრადიცია კი თითქმის დავიწყებას მიეცა. კვლევითი ჯგუფის - Nomisma-ს - ღვინის განყოფილება Wine Monitor იუწყება, რომ იტალიაში ღვინის მოხმარება წინა წელთან შედარებით 6,5%-ით შემცირდა, თუმცა ღვინის გაყიდვებიდან მიღებული მოგება 7%-ით გაიზარდა. ამას ექსპერტები ძალიან მარტივად – ფასების მატებით ხსნიან. ეს ტენდენცია იტალიაში უკვე რამდენიმე წელია შეინიშნება, თუმცა 2012 წელს პიკს მიაღწია – მე-19 საუკუნიდან მოყოლებული 2012 წლამდე ასეთი დაბალი გაყიდვები არასდროს დაფიქსირებულა. 2012 წელს იტალიელებმა მხოლოდ 22,6 ჰექტოლიტრი ღვინო მიირთვეს.
იტალიელები იმასაც იუწყებიან, რომ მათი ქვეყნის ზოგ რეგიონში უმუშევრობამ 40%-ით იმატა. სადისტრიბუციო კომპანია Les Caves de Pyrene-ს მფლობელის, დარიო პოდანას თქმით კი, ქვეყანაში მასიურად ვრცელდება იაფფასიანი ლუდი და სხვა ალკოჰოლური სასმელები, რამაც ხელი შეუწყო ღვინის გაყიდვების შემცირებას.
© ღვინის კლუბი /Weekend
ბეჭდვა
თქვენი კომენტარი