ეკონომ-კლასის სუპერმარკეტების გერმანულმა ქსელმა Aldi-მ დიდ ბრიტანეთში უნიკალური აქცია წამოიწყო. გერმანელებმა ბრიტანელებს 40-წლიანი დაძველების ვისკი საბაზრო ღირებულებაზე 6-ჯერ იაფად შესთავაზეს. ვისკი, რომელიც 1971 წელს შოტლანდიაშია ჩამოსხმული, სუპერმარკეტების ქსელში 8 დეკემბრიდან გაიყიდება. აღწერის მიხედვით, ვისკი მდიდარი არომატით, შოკოლადისა და ლეღვის ჩირის ტონებითა და ტკბილი, ხანგრძლივი დაბოლოებით ხასიათდება. დიდი ბრიტანეთის მასშტაბით არსებული ქსელის 450 მაღაზიაში სულ ვისკის 3 000 ბოთლს გამოიტანენ და Aldi-ს წარმომადგენლები მყიდველთა ნამდვილ ბუმს ელიან. მათი ვარაუდით, ვისკი რამდენიმე საათში მთლიანად გაიყიდება და ეს სულაც არ იქნება გასაკვირი, რადგან ამ ხარისხისა და დონის სასმლის საბაზრო ღირებულება 300 გირვანქა სტერლინგსაც კი აჭარბებს, სუპერმარკეტებში კი ის თითქმის 6-ჯერ ნაკლები - 49,99 გირვანქა სტერლინგი ეღირება. კომპანიის წარმომადგენლები არც იმას გამორიცხავენ, რომ იაფად ნაყიდი ვისკი მალე ინტერნეტ-აუქციონებზე გამოჩნდეს და უფრო სარფიანადაც გაიყიდოს.
© ღვინის კლუბი/Weekend
ბეჭდვა
თქვენი კომენტარი