წლევანდელ გათხრებს გონიოს ციხეში პოლონურ-ქართული ექსპედიცია ახორციელებს. როგორც ვკითხულობთ, ექსპედიციის ერთ-ერთი მეთაური რადოსლავ კარასევიჩ-შჩიპიორსკია, პოლონეთის ხმელთაშუა ზღვის არქეოლოგიის ცენტრის ხელმძღვანელი, ექსპედიციას აგრეთვე შოთა მამულაძეც მეთაურობს აჭარის კულტურული დაცვის სააგენტოდან. საწნახელის აღმოჩენამდე ექსპედიციამ მოზაიკის იატაკი აღმოაჩინა.
პოლონურ-ქართული ექსპედიცია იკვლევს როგორც ციხის შიდა სივრცეს, ისევე მიმდებარე ტერიტორიასაც. წელს პოლონელი სპეციალისტების მიერ ჩატარებულმა ლაზერულმა სკანირებამ (LIDAR) ამ ადგილას არექოლოგოური “ანომალიები” გამოავლინა. LIDAR (Light Detection and Ranging) დისტანციური ზონდირების მეთოდია, რომელიც სინათლეს იმპულსური ლაზერის სახით იყენებს დიაპაზონის (ცვლადი მანძილის) გასაზომად, რასაც ძირითადად 3D ციფრული რუკის შესაქმნელად იყენებენ. ამ კვლევების მონაცემების საფუძველზე არქეოლოგებმა შეისწავლეს ტერიტორია და აღმოაჩინეს ღვინის საწნახელი, რომელიც ჩვენი წელთაღრიცხვით II ან III საუკუნით თარიღდენა.
ამ წლის დასაწყისში იმავე ტერიტორიაზე გათხრების შედეგად შენობის ერთ-ერთ ოთახში თიხის ჭავლები და ზეთის სანათები აღმოაჩინეს: “ვინაიდან ორივე ტიპის ობიექტი წერასთან ასოცირდება, ეს ოთახის “საოფისე” ფუნქციაზე მიუთითებდა. მკვლევართა აზრით აქ იყო შტაბ-ბინა (პრინციპია), ყველაზე მნიშვნელოვანი შენობა ნებისმიერ რომაულ გარნიზორში. საწნახელის აღმოჩენამ კი დაადასტურა 2021 წელს ამ გათხრების შემდეგ გაჩენილი ეჭვი, რომ აქ ნამდვილად რომაული გარნიზონი იყო.” - ვკითხულობთ სტატიაში.
როგორც ავტორი წერს, ეს საწნახელი, ძვ. წ. III საუკუნეში გამოიყენებოდა ღვინის საწარმოებლად ადგილობრივი საჭიროებისთვის, მათ შორის რომაული ჯარებისთვისაც: “აღსანიშნავია, რომ საწნახელს ადგილობრივი მეღვნეობის ტრადიციისთვის დამახასიათებელი სტრუქტურული მახასიათებლები აქვს, თუმცა ასევე რომაული კონსტრუქციებისთვის ჩვეული ჰიდრავლიკური კირდუღაბი/ კირხსნარი, რომელიც სამუშაო ზედაპირზე გამოიყენებოდა ხოლმე, ასევე ავზის დასალუქადაც. ამგვარად, საწნახელი რომის იმპერიასა და იბერიის სამეფოს შორის გარკვეული კავშირის დასტურიცაა” - აღნიშნავს კარასევიჩ-შჩიპიორსკი. სტიტიას Hiritage Daily-ზე გაეცნობით.
© ღვინის კლუბი/vinoge.com
ბეჭდვა
თქვენი კომენტარი