ბულგარეთში, პლოვდივის მხარეში მდებარე ორი სოფლის - პიპერიცასა და ლეხოვოს ვენახებს უცნობი დაავადება შეეყარა. “ფოთლები ხმება, ქვემოდან თითქოს ხავსი ედება. ასეთი რამ ადრე არასოდეს გვინახავს,” – ჰყვება ემილ ზლატანიცი, რომელიც სოფელ ლეხოვოში 100 ჰექტარ ვენახს ფლობს. ადგილობრივებს წარმოდგენაც არა აქვთ, როგორ ებრძოლონ დაავადებას. რამდენიმე დღეში კიდევ ერთხელ შეწამლავენ ვენახებს, თუმცა არ იციან, კონკრეტულად რომელი პრეპარატით შეიძლება ნერგების განკურნება. სწორედ ამიტომ ბატონმა ზლატანიცმა დახმარებისათვის პლოვდივის მეხილეობა-მებოსტნეობის ინსტიტუტს მიმართა და სთხოვა, დაავადების დასადგენად მათთან სპეციალისტი გაეგზავნათ. მეზობელი სოფლების მევენახეები დიდად შეშფოთებულნი არიან, ვენახის განადგურება მათი ბიზნესის ჩაძირვას ნიშნავს, ისინი ხომ შემოსავალს ყურძნისა და ღვინის გაყიდვიდან იღებენ.
© ღვინის კლუბი/Weekend
ბეჭდვა
თქვენი კომენტარი