გსურთ შეეხოთ ისტორიას და იგემოთ ყველაზე ძვირად ღირებული კონიაკი? მაშ, მოგიწევთ ნიუ-იორკისაკენ გაეშუროთ... იქ დარეგისტრირდებით საიტზე Financial District Wine&Liquor,შეუკვეთთ 1858 წლის კონიაკს Croizet Cuvee Leonieდა 750 მლ-იანი ბოთლის საფასურად 157 000 დოლარს გადაიხდით. ამ კონიაკს სახელი Croizet-ს სახლის დამაარსებელმა თავად შეურჩია და საკუთარი ქალიშვილის მსგავსად ლეონი კრუაზე დაარქვა. ისედაც ძვირფას კონიაკს განსაკუთრებული ფასი მას შემდეგ დაედო, რაც ისტორიული ფაქტის “მონაწილე” გახდა – სწორედ 1858 წლის Croizet-ს მიირთმევდნენ უინსტონ ჩერჩილი და დუაიტ ეიზენჰაუერი, როცა მეორე მსოფლიო ომის საომარ კამპანიასა და სტრატეგიაზე საუბრობდნენ. აღსანიშნავია, რომ 2011 წელს ამ ვინტაჟური კონიაკის ერთი ბოთლი შანხაის აუქციონზე გაიტანეს და 156, 760 დოლარად გაყიდული სასმელი მსოფლიოში უძვირესად აღიარეს. მართალია, კრუაზეს მარანში სხვა უნიკალური სასმელებიც ინახება, რომლებიც ფილოქსერას ეპიდემიამდე არის დამზადებული, მაგრამ Croizet Cuvee Leonie-ს ბევრი ვერ უტოლდება. მისი უნიკალურობის მიზეზი კი ის გემო და არომატია, რომელიც ვერც ერთ მოსავალზე ვერ გაიმეორეს.
© ღვინის კლუბი/Weekend
ბეჭდვა
თქვენი კომენტარი