გამოქვეყნებულია: 27 სექტემბერი, 2009 - 13:08
კახეთში ფერმერებს ღვინის ქარხნებში ყურძნის ჩაბარების საშუალებას არ აძლევენ. შესაბამისი მითითება ფერმერებს ძალოვანებისგან აქვთ მიღებული. სოფლის მეურნეობის სამინისტრო ფერმერად იმ მევენახეს მიიჩნევს, რომელსაც 10 ჰექტარზე მეტი ვენახი აქვს.
როგორც ფერმერებმა კახეთის საინფორმაციო ცენტრს განუცხადეს, იმ შემთხვევაში, თუ ისინი ვენახს დაკრეფენ და ყურძენს ჩასაბარებლად ღვინის ქარხნებში შეიტანან, მათ პრობლემები შეექმნებათ.
ერთ-ერთი ფერმერის განცხადებით, რომელმაც საკუთარი ვინაობის საჯაროდ გამჟღავნება არ ისურვა, მას დაკრეფილი ყურძნის ჩაბარების საშუალება არც გასულ წელს მისცეს. `ღვინის ქარხნიდან უკან გაგვაბრუნეს. ყურძნით დატვირთული სატვირთო მანქანები წვენისგან დაიცალა. ათობით ჰექტარი ვენახი მაქვს და გასული წლის ზარალის შემდეგ აღარ დამიმუშავებია~, - ამბობს ფერმერი.
რთველი – 2009 საკოორდინაციო შტაბის უფროსის ტარიელ გაბუნიას განცხადებით, ფერმერებზე ზეწოლის შესახებ სოფლის მეურნეობის სამინისტრო ინფორმაციას არ ფლობს.
fact.ge
ბეჭდვა
თქვენი კომენტარი