გამოქვეყნებულია: 1 მარტი, 2014 - 22:21
უკანასკნელი წლების განმავლობაში დიდ ბრიტანეთში კვირაში საშუალოდ 26 პაბი წყვეტს მუშაობას. ადგილობრივი ეკონომიკისთვის ერთი პაბის დახურვა დაახლოებით 80 ათასი გირვანქა სტერლინგის დანაკარგს ნიშნავს. გარდა ამისა, პაბების დახურვის პარალელურად, ბუნებრივია, იზრდება უმუშევართა რაოდენობაც. 2008 წლიდან მოყოლებული, ქვეყანაში პაბების რაოდენობა, საერთო ჯამში, 7 000-ით შემცირდა. ექსპერტების განმარტებით, ამ სამწუხარო სტატისტიკას რამდენიმე მიზეზი აქვს, მათ შორის კანონი, რომელიც პაბებში მოწევას კრძალავს და უკანასკნელი 5 წლის განმავლობაში ლუდის აქციზის 42%-ით გაზრდა. გაერთიანებული სამეფოს მოქალაქეები ლუდს ახლა უკვე სუპერმარკეტებში ყიდულობენ, გაცილებით იაფად, ვიდრე პაბებში და საკუთარ სახლებში სვამენ, სადაც მოწევასაც არავინ უშლით.
© ღვინის კლუბი /Weekend
თემა:
ბეჭდვა
თქვენი კომენტარი