Home
ქართული | English
აგვისტო 2018
ორშსამოთხხუთპარშაბკვი
303112345
6789101112
13141516171819
20212223242526
272829303112

მულტიმედია

კომენტარები

დამოუკიდებლობის 100 წელი - შეხვედრა აგრარულ უნივერისტეტში

საქართველოს პირველი დამოუკიდებელი რესპუბლიკის გამოცხადებიდან 100 წლის საიუბილეო დღეების ფარგლებში, ღვინის ეროვნული სააგენტოს თავმჯდომარის მოადგილეები ანდრო ასლანიშვილი და ლევან მეხუზლა საქართველოს აგრარული უნივერსიტეტის მევენახეობა-მეღვინეობის ფაკულტეტის სტუდენტებს შეხვდნენ და ქართული მეღვინეობის განვითარებისთვის 1918-1921 წლების მნიშვნელობასა და დარგში არსებულ თანამედროვე მდგომარეობასა და გამოწვევებზე ესაუბრნენ.

აგრარული უნივერსიტეტის რექტორმა ვახტან ლეჟავამ ღვინის ეროვნული სააგენტოს წარმომადგენლებს უნივერსიტეტის ენოთეკა, ლაბორატორიები და მარანი დაათვალიერებინა. როგორც შეხვედრაზე აღინიშნა, ქართული ღვინის კულტურისა და ტრადიციების 8-ათასწლოვანი ისტორიის ფონზე, საქართველოს პირველი დამოუკიდებელი რესპუბლიკის შექმნა მეღვინეობის ინდუსტრიისა და დარგის მეცნიერული განვითარების მიმართულებისთვის მნიშვნელოვანი ბიძგის მიმცემი იყო. დამოუკიდებლობის მოპოვების პირველივე დღიდან, საქართველო რევოლუციებისა და ომებისგან დანგრეული ეკონომიკის აღდგენას შეუდგა, რომლის ერთ-ერთი საფუძველი სოფლის მეურნეობა და მევენახეობა-მეღვინეობის დარგი იყო. ეს პერიოდი განსაკუთრებით მნიშვნელოვანია მეღვინეობა-მევენახეობის სწავლების მიმართულებით, რადგან 1920 წელს საქართველოს მევენახეობის მეცნიერულ განვითარებას ჩაეყარა საფუძველი. პირველი დამოუკიდებელი რესპუბლიკის წლებში, კერძოდ, 1918 წელს შეიქმნა „კახელ მევენახეთა კავშირი“, სადაც გაერთიანდა 4 400 წევრი, 1919 წელს გაიმართა ქართველ მეღვინე-მევენახეთა პირველი კონგრესი, 1920 წელს გამოვიდა პირველი ქართული პროფესიული ჟურნალი „ვაზი და ღვინო“, ამავე პერიოდში გაიხსნა 4 ღვინის ქარხანა. შეხვედრაზე ღვინის ეროვნული სააგენტოს წარმომადგენლებმა მოისმინეს სტუდენტების მოსაზრებები, უპასუხეს აუდიტორიაში დასმულ შეკითხვებს. დასასრულს გაიმართა სამეცნიერო-დოკუმენტური ფილმის „საქართველო - ღვინის აკვანი“ ჩვენება.

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული