ცქრიალა არაყი

ალკოჰოლის შვედური მწარმოებელი Absolut,  ახალზელანდიურ კომპანიონ Pernod Ricard-თან ერთად,  მალბოროს რეგიონში მდებარე მეურნეობა Brancott Estate-ში მოწეული სოვინიონ ბლანისგან ცქრიალა არყის წარმოებას გეგმავს. სასმელი, რომელსაც სახელად Absolute Tune შეურჩიეს, 60% არყისა და 40% ღვინის შემცველობის იქნება, მისი საბოლოო სიმაგრე კი 14%-ს არ გადააჭარბებს. ახალი სასმელის გასინჯვა ჯერჯერობით მხოლოდ სიდნეის სამ ბარშია შესაძლებელი. როგორც სპეციალისტები ვარაუდობენ, ეს ეგზოტიკური სასმელი არყის მოყვარულებსაც გაუცრუებს იმედებს და ღვინის დამფასებლებსაც. პირველთათვის ეს ჰიბრიდი მკრეხელობის ტოლფასი იქნება და ვერც მეორენი მოიხიბლებიან უცნაური სასმლის მოტკბო გემოთი და ხილის არომატით. სავარაუდოა, რომ ახალი ზელანდიელები ასეთი ნოვაციით ებრძვიან მალბოროს რეგიონში ჭარბწარმოებისგან გამოწვეულ პრობლემებს, მაგრამ ამ შემთხვევაში მიზანი არ ამართლებს საშუალებას. 

© ღვინის კლუბი/Weekend