ცნობილი ამერიკელი კულინარი და რესტორატორი გაი ფიერი 2012 წელს “ფორბსმა” მსოფლიოს უმდიდრეს შეფმზარეულთა ათეულში დაასახელა. ხუთი რესტორნის თანამფლობელმა და ტელევარსკვლავმა ფიერიმ გასულ წელს ღვინის ბიზნესი წამოიწყო - კალიფორნიაში, სონომას ოლქში უკვე შეიძინა ორ ჰექტარზე გადაჭიმული ვენახი და ვაზის მოვლასაც შეუდგა. გაი ფიერი თავად გვიამბობს, თუ რატომ დაინტერესდა ამ სფეროთი: “მე და ჩემი მეუღლე სონომას ოლქში ღვინის კულტურის უჩვეულოდ სწრაფმა ზრდამ გაგვაოცა. შემდეგ გადავწყვიტეთ, თავადაც გვეცადა ღვინის დაყენება”. 2012 წელს ფიერიმ უკვე აიღო პირველი მოსავალი და ორ მარანს მიჰყიდა. აღსანიშნავია, რომ ფიერი საკუთარ ვენახში ორგანული მიწათმოქმედების მეთოდებს იყენებს. შეფმზარეულს გრანდიოზული გეგმა აქვს – სამომავლოდ აპირებს, ოჯახის წევრებთან და ახლობლებთან ერთად ჩაებას მეღვინეობის ბიზნესში და საკუთარი ღვინო გამოუშვას. ფიერის თავის მამულში სადეგუსტაციო დარბაზის აშენებაც აქვს განზრახული.
© ღვინის კლუბი/Weekend
ბეჭდვა
თქვენი კომენტარი