გამოქვეყნებულია: 17 სექტემბერი, 2011 - 21:06
ბურგუნდიის ზოგიერთ მამულში რთველი ჯერ კიდევ 1 სექტემბერს დაიწყო. მწარმოებლები ვარაუდობენ, რომ წლევანდელი მოსავალი შარშანდელზე 20%-ით ნაკლები იქნება. თავდაპირველად, მევენახეები ამ მოსავალზე დიდ იმედებს ამყარებდნენ და საუკეთესო შედეგს ელოდნენ, ახლა კი მოსავალი ფასდება, უბრალოდ, როგორც კარგი. მოსალოდნელია, რომ თეთრი ყურძნის უკეთეს მოსავალს აიღებენ, ვიდრე წითლისას. წლევანდელ სიტუაციას ფრანგები 2007 წლისას ადარებენ, როდესაც მშრალი ამინდები ადრეულ რთველზე მიანიშნებდა, თუმცა წვიმიანმა აგვისტომ ყველაფერი შეცვალა. 2011 წელი უხვნალექიანობით არ გამოირჩეოდა, ამიტომ მევენახეებს იმედი აქვთ, რომ მოსავალი 2007 წლისაზე უკეთესი იქნება.
© ღვინის კლუბი/Weekend
ბეჭდვა
თქვენი კომენტარი