გამოქვეყნებულია: 7 ნოემბერი, 2010 - 18:36
ბულგარეთის ღვინის მწარმოებელთა ასოციაციის ხელმძღვანელის დიმიტრინა ვიჩევას მონაცემებით, ბულგარული ღვინოების ექსპორტი საგანგაშოდ, 60-70%-ით შემცირდა. ამავდროულად, როგორც სოფიის საინფორმაციო სააგენტო იტყობინება, 30-50%-ით დაეცა წარმოებაც.
ამგვარ დამთრგუნველ სტატისტიკასთან ერთად გაჩნდა ცვლილებების მოლოდინიც. ბულგარეთის სოფლის მეურნეობის სამინისტრომ უკვე გამოაქვეყნა მომავალი წლის ექსპორტის 10%-იანი ზრდის პროგნოზი, მიუხედავად იმისა, რომ 2010 წლის მოსავალი 30%-ით შემცირებულია.
ჯერ გაურკვეველი რჩება, შეძლებენ თუ არა ბულგარელი მეღვინეები გაყიდვების უარყოფითი ტენდენციების აღმოფხვრას. თუმცა უკვე ნათელია, რომ ისინი მათი კონკურენცია ახალი სამყაროს წარმომადგენელ მეღვინეებთან უფრო და უფრო მძაფრდება.
© ღვინის კლუბი/“Weekend“
ბეჭდვა
თქვენი კომენტარი