დიდი ბრიტანეთის პატარა ქალაქ სენდვიჩის მცხოვრებლები თანამოსახელე ბუტერბროდის გამოგონების 250 წლისთავს აღნიშნავენ. ცნობილია, რომ ეს ბუტერბროდი პირველად მეოთხე გრაფმა სენდვიჩელმა ჯონ მონტეგიუმ დაუკვეთა 1762 წელს, როდესაც მეგობრებთან ერთად ბანქოს თამაშობდა. მან ბრძანა, პურის ორ ნაჭერს შორის მოთავსებული ღორის ხორცი მოეტანათ, რათა ერთდროულად შეძლებოდა ჭამაცა და ბანქოს თამაშიც, თან ბუტერბროდის ასეთი კონსტრუქცია ხელსაც არ უსვრიდა. ასეთი საკვები თამაშის სხვა მონაწილეებსაც მოეწონათ და მათაც დაუკვეთეს სენდვიჩის მსგავსი ბუტერბროდი. სწორედ ამიტომ დაერქვა ასეთ ბუტერბროდს სენდვიჩი. სენდვიჩის გამოგონების აღსანიშნავი საიუბილეო ზეიმი ქალაქ სენდვიჩში 14 მაისს ჩატარდა. სენდვიჩის იუბილესთან დაკავშირებით თეატრალიზებული წარმოდგენაც გაიმართა, სადაც კარტს თამაშობდნენ და ბუტერბროდს მიირთმევდნენ.
© ღვინის კლუბი/Weekend
ბეჭდვა
თქვენი კომენტარი