მოსკოვის ვაჭრობისა და მომსახურების დეპარტამენტის ხელმძღვანელმა ალექსეი ნემერიუკმა განაცხადა, რომ უკვე 10 წელია დედაქალაქში მცხოვრებნი ნაკლებ არაყს სვამენ და უპირატესობას ღვინოსა და ლუდს ანიჭებენ. 2002 წლის შემდეგ არყის გაყიდვებმა 21%-ით იკლო, სამაგიეროდ ღვინის გაყიდვები ორჯერ გაიზარდა, ლუდის მომხმარებელთა რაოდენობამ კი 5%-ით იმატა.
2013 წელს, ზოგადად, ალკოჰოლური სასმელების გაყიდვები შემცირდა. თუმცა, როგორც ბატონი ნემერიუკი აღნიშნავს, ბოლო დროს ქვეყანაში ფალსიფიცირებული ელიტური სასმელები მომრავლდა – რუსეთის ბაზარზე გამოტანილი სასმელების 20-30% სწორედ ფალსიფიცირებული საქონელია. თუმცა, იმის გამო, რომ დედაქალაქში ცხოვრების უფრო მაღალი დონეა, ვიდრე სხვა ქალაქებში, ასეთი სასმელი მოსკოვში ნაკლებად საღდება. დღეისათვის ალკოჰოლური სასმელი მოსკოვის 10 ათასზე მეტ ლიცენზირებულ დაწესებულებაში იყიდება. ამათგან ერთი ნახევარი სავაჭრო დაწესებულებებია, მეორე ნახევარი კი - ბარ-რესტორნები.
მიმდინარე წლის 11 თვის განმავლობაში დეპარტამენტში ლიცენზიის მიღების შესახებ 4 ათასი განცხადება შევიდა, თუმცა 495 ობიექტს სპირტიანი სასმელებით ვაჭრობის ლიცენზია ჩამოერთვა.
© ღვინის კლუბი /Weekend
ბეჭდვა
თქვენი კომენტარი