გამოქვეყნებულია: 31 მარტი, 2011 - 10:50
გერმანიის ქალაქ მაგდებურგის მცხოვრებლებმა ლუდის ცარიელი ქილების ორიგინალურად გამოყენება გადაწყვიტეს და მათგან ქალაქის ბიბლიოთეკა ააგეს. კომპანია Karo Architekten-ის მიერ აგებულმა შენობამ, რომლის დიზაინიც პოპ-არტის სტილშია გადაწყვეტილი, Brit Insurance Architecture Award-ის ყოველწლიურ კონკურსში გაიმარჯვა და პრესტიჟული ჯილდოს - ,,წლის დიზაინის” მფლობელიც გახდა. ბიბლიოთეკისთვის წიგნებს ჯერ კიდევ მისი მშენებლობის დაწყების დღიდან იღებდნენ. წიგნები ღია სივრცეშია დალაგებული, ისინი ყველასთვის ხელმისაწვდომია – შეგიძლია უბრალოდ მიხვიდე და აიღო სასურველი წიგნი. აქვე ეწყობა საჯარო კითხვა, ტარდება სასკოლო თეატრალური წარმოდგენები, კონცერტები და სხვა კულტურული ღონისძიებები.
© ღვინის კლუბი/Weekend
თემა:
ბეჭდვა
თქვენი კომენტარი