ამერიკული გაზეთის Daily News-ის ჟურნალისტმა ჯოანა მოლოიმ, რომელსაც გაზეთში საკუთარი სვეტი აქვს, მკითხველებს რუსული არყის ბოიკოტირებისკან მოუწოდა. პროტესტის საფუძველი რუსული პანკ ჯგუფ Pussy Riot-თან დაკავშირებული გახმაურებული სკანდალია, რის შედეგადაც ჯგუფის წევრებს პატიმრობა მიუსაჯეს. ,,ახლა, როდესაც პუტინმა გოგონები გულაგში გაამწესა, ვერ ვხედავ მიზეზს, თუ რატომ უნდა შევიძინოთ რუსული არაყი ან რატომ უნდა დავესწროთ სოჭის 1014 წლის ზამთრის ოლიმპიადას,” – წერს მოლოი. არაყი ყველაზე ცნობილი რუსული პროდუქტია, რომელიც ამერიკაში იყიდება. თუმცა აღსანიშნავია, რომ გაყიდვების ერთ-ერთი ლიდერი ბრენდი - Stolichnaya- უკვე წლებია, ლატვიაში იწარმოება და რუსეთთან არანაირი კავშირი აღარ აქვს. რუსეთიდან არყის უმსხვილესი მიმწოდებელი აშშ-ს ბაზრისთვის არის კომპანია ,,რუსსკი სტანდარტი”. რუსი ექსპერტები მწარმოებლებს ამშვიდებენ. სააგენტო ,,ციფრას” დირექტორის – ვადიმ დრობიზის თქმით, ეს რუსული პროდუქციის ბოიკოტირებისკენ მოწოდების პირველი შემთხვევა არ არის. “ მსგავსი მოწოდებები რუსეთ-საქართველოს 2008 წლის ომის დროსაც გაისმოდა, მაგრამ ამას რუსული პროდუქციის გაყიდვებზე არ უმოქმედია,”- განაცხადა მან.
© ღვინის კლუბი/Weekend
ბეჭდვა
თქვენი კომენტარი